Developer Laboratory

User, JavaScript va Brauzer

User, JavaScript va Brauzer

Bu darsda bu 3 tomonni muloqotini ta'minlab beradigan vositalarni o'rganamiz.

Abdullah Samadov's Blog's photo
Abdullah Samadov's Blog
·

2 min read

Table of contents

Kirish

JavaScriptni brauzerlarsiz tasavvur qilib bo'lmaydi. Ko'p turdagi funksiyalarning davomiy ishlashi uchun bizning tasdiqlashimiz yoki biror amalni bekor qilishi talab qilinadi. Bugun alert, prompt va confirm funksiyalari haqida gaplashamiz.

❗User = sayt foydalanuvchisi.

alert

alert - o'zbek tilida "ogohlantirish" ma'nosini beradi. Quyidagi gif sizga aniqroq tasvirlab beradi deb o'ylayman.

Bu funksiya o'ziga biriktirilgan xabarni userga ko'rsatadi va "OK" tugmasini bosishini kutadi. Bosmagunicha, user boshqa biror funksiya ustida ishlolmaydi.

alert("Salom!");

prompt

prompt - "taklif" yoki "ishora" degan ma'nolarni beradi. U 2 ta argument qabul qiladi:

const ask = prompt(title,[defaultValue]);

prompt userga modal oyna ichida, biz ta'minlagan title ni ko'rsatadi, hamda majburiy bo'lmagan defaultValue lardan foydalanadi. User bu funksiyani OK , Cancel yoki klaviaturadagi Esc tugmasidan foydalanib tamomlashi mumkin.

let name = prompt('Ismingiz nima?');
alert(`Salom ${name}!`);

defaultValue ni bersakchi, brauzerdan qanday javob olamiz?

let name = prompt('Ismingiz nima?', 'Anna');
alert(`Salom ${name}!`);

confirm

confirm - "tasdiqlash" deb tarjima qilinadi. Tahmin qilganingizdek, u userdan biror savoliga javob olishni xohlaydi. prompt kabi modal oynada biror matnni ko'rsatadi va 2 xil tugmalar bilan ta'minlangan: OK va Cancel .

OK bosilganda true qiymat, Cancel'da esa false qiymat qaytaradi.

let question = confirm("Siz yaxshi dasturchimisiz?");
alert(question); // savolga vijdonan javob bering.

Xulosa

Biz 3 xil funksiyalarni ko'rib chiqdik. Ular hammasi modal oyna ko'rinishida ishlaydi va userdan javob olmagunicha yopilmaydi yoki ishlashdan to'xtamaydi. Bu vaqt oralig'ida user ham bulardan boshqa biror amal bajarolmaydi.

  • alert - berilgan xabarni ko'rsatadi. Faqat OK tugmasi bilan ishlaydi.

  • prompt - userdan biror savol so'raydi va javob uchun "input" ya'ni javob kiritish uchun joy bilan ham ta'minlaydi.

  • confirm - berilgan savol yoki xabarni ko'rsatadi. Userni esa buni tasdiqlashni yoki bekor qilishini kutadi. 2xil qiymat qaytaradi: true va false. Amaliyotni boshqarish uchun 3 xil tugmalar bor: OK, Cancel va Esc .

Vaqtingiz va o'qiganingiz uchun rahmat. Post sizga foydali bo'ladi degan umiddaman.

Agar darsliklar sizga yoqayotgan bo'lsa, bizni kuzatib borishingiz mumkin:

JavaScript